StereoLab Radio

За програмата

StereoLab Radio е интернет радио од Скопје, електронски медиум за промоција на современата култура што работи во рамките на мултифункционалниот културен центар „Лабораториум“. Програмата поттикнува јавна дебата за локални и глобални теми, ја промовира домашната авторска музика и ја запознава публиката со нови музички правци од светот.

Во работните денови од 10 до 14 часот се емитува информативната програма „Разумен град“ за културните настани во градот и земјава, во чии рамки секој вторник оди емисија на албански јазик. Вечерните авторски емисии се посветени на книжевност, одржливост и животна средина, авангардна и инди музика, а една емисија е подготвена во соработка со Амбасадата на Италија во Скопје.